PEED AYA PKB 2025 KABUNGKAH ANTUK NYUARANG KULKUL
PEED AYA SAMPUN KALEPAS ANTUK RESMI OLIH MENTERI KEBUDAYAAN PROVINSI BALI, MALARAPAN ANTUK NYUARANG KULKUL. PEED AYA NEDUNANG MAKUDANG-KUDANG ANGGA SENI MIWAH KESENIAN KHAS SOANG-SOANG KABUPATEN RING BALI, SANE KALAKSANAYANG RING AJENG MONUMEN PERJUANGAN RAYA BALI, BAJRA SANDI DENPASAR.
GEGIRAS KRAMA NGAKSIANG PEED AYA, TRIBUN KAKOSEKIN PENONTON
GEGIRAS KRAMA BALI RING SAJERONING NGAKSIANG PEED AYA PESTA KESENIAN BALI AGENG PISAN . GENAH TRIBUN PENONTON SAMPUN KAKOSEKIN OLIH KRAMANE,SANE SIDA NAMPUNG KANTOS KAIH TALI LIMANGAUS DIRI,MAJENG PENONTON SANE JAGI NGAKSIANG SESOLAHAN SENI ,SAKING SAMIAN DUTA KABUPATEN KOTA SAJEBAG BALI.
ANCENG 1, 5 YUTA PENGUNJUNG SALAMI PAMARGIN PKB
RING SAJERONING PAMARGIN PESTA KESENIAN BALI KAPING PETANGDASA PITU, WARSA KALIH TALI SELAE, KAAPTIANG SIDA MANGGIH ANCENG SIKI KOMA LIMANG YUTA PENGUNJUNG. PKB PACANG MAMARGI SALAMI ABULAN, TUR PAMUNGKAH KAMARGIANG TANGGAL SELIKUR JUNI .
SENIMAN NGAPTIANG PKB MANGDANE NENTEN LALI RING SPIRIT TARI SIWANATARAJA
PESTA KESENIAN BALI (PKB) KAPING PETANGDASA PITU WARSA KALIH TALI SELAE, PACANG KABUNGKAH MENTERI KEBUDAYAAN RI, FADLI ZON, SAPISANAN NGLEPAS PAWAI (PEED AYA). ANGGA SENIMAN NUREKSAIN, RING SAJERONING SESOLAHAN PKB MANGDANE SETATA ELING MADASAR SAKING SPIRIT TARI SIWANATARAJA .
DUTA GONG KEBYAR DEWASA BADUNG PACANG NYUGUHANG TABUH NEM LELAMBATAN PERIRING KREASI RING PKB 47
SEKAA GONG WIRA AGRA KUSUMA, DESA BLAHKIUH, KECAMATAN ABIANSEMAL DADOS DUTA GONG KEBYAR DEWASA (GKD) KABUPATEN BADUNG, SAYAGA MASOLAH RING PKB WARSA KALIH TALE SELAE. SEKAA GONG WIRA AGRA KUSUMA , PACANG NGUNGGAHANG TATIGA SESOLAHAN SENI RING PANGGUNG TERBUKA ARDA CANDRA DENPASAR
GLADI PEED AYA,R’TA BHUWANA RENA MIWAH DUTA KABUPATEN SAYAGA NGLANGUNIN MANAH KRAMA BALI
RING SAJERONING MASTIKAYANG SESOLAHAN, PINAKA EEDAN PAMUNGKAH PESTA KESENIAN BALI KAPING PETANGDASA PITU WARSA KALIH TALI SELAE , KALAKSANAYANG GLADI PEED AYA. PEED AYA DADOS ACARA PAMUNGKAH RING SAJERONING EEDAN PKB,SANE DAHAT KAJANTOSIN KRAMA BALINE . PEED AYA PACANG KAMARGIANG TANGGAL SELIKUR JUNI, NGAWIT KALIH SANDE MAGENAH RING AJENG MONUMEN BAJRA SANDHI, DENPASAR.
Recent Comments